Lahat naman tayo dumaan sa pagkabata. At noong bata tayo, kapag birthday natin gusto natin, may PARTY! Di ko lang alam yung mga tao diyan na ayaw i-celebrate birthday nila.
Kapag may kid's party, talo ata ang Mang Inasal sa halos unlimited chicken and spaghetti na handa para sa mga bata.
Hindi rin mawawala ang mga palaro ng mga tarantado at malalakas mangtrip na Clowns.
Longest Tune - Happy birthday insert celebrant's nameeeeeeeeeeeeeeeeeeeeeeeeeeeeeeeeeeeeeeeeeeeeee.
At yung pinakamatagal na magsabe niyan, panalo. Eh, nung bata ako sumali ako diyan sa larong yan, akala ko ako na yung pinakamatagal. Biglang may sumali, natalo pa ako, paano ba naman parang kasing tangkad niya na yung clown. Isipbata.
Longest Line - Hahatiin kayo sa dalawang team. Ilalatag niyo lahat ng gamit niyo sa sahig nang magkakadugtong, kung anong team ang mas mahaba, panalo. Madali lang 'tong larong to. Kaso lugi ka, kung yung mga kalaban mo sa kabilang team, eh todo suporta ang mga nanay. Iaabot ang mga relos at sinturon nila. Kulang nalang maghubad eh. Para sure win.Bring me - Ito ang pinakapaborito ko sa lahat. Madali lang e. Sasabihin lang ng clown ang gamit na trip niya, tapos ibibigay mo may prize ka na. Syempre, di mawawala ang Pera sa ipapadala nila. At kung talo parin ako, BIBIGYAN ko sila ng malupit na suntok.
Trip to Jerusalem - Ikot-ikot ka lang sa upuan tapos unahan mo mga kalaban na umupo sa silya. Mahirap rin to, kasi lahat kalaban mo. Noon, naalala ko. Dalawa nalang kaming lalaki magkalaban, nasa malayo yung upuan, tatakbuhin namin at maguunahan umupo. Nauna akong nakapunta, eh tinulak ako. Buti nalang hawak ko yung silya, uupo na siya. Hinila ko yung silya, yung pwet niya diretso sa sahig. Malay ko bang iiyak pala yon, nagsumbong sa tatay. After nun hindi na ako sumali sa larong 'to.
At after ng games, syempre kainan na. Pagkatapos naman ng kainan, andyan na ang inaabangan ng mga bata. MAGIC SHOW!!
Kahit hindi mo i-deny, alam ko napahanga ka rin sa tricks nila. Pero na-realize rin natin, na ang Corny pala no.
Uwian na. Syempre hihingi ka ng Loot bags. Minsan kinukuha ko dalawa pa e, hehe. Lagi pala.
Natapos ang Party, hindi ka man lang nag-regalo! Langya ka! Di mo rin binati, para ka lang nakikain.
